Introduction to Scientific Research
مدخل لمجال البحث العلمي
Description
فكرة ناس كتيرة عن العلماء ان شعرهم منكوش وبيشدوا فشعرهم من صعوبة اللي بيقابلوه
وفي ناس بتشوفهم مجانين.
والحقيقة انهم ناس عادية زينا بس متعمقين اكتر فالعلوم وبيفكروا فكل حاجة من منظور علمي اكتر..
وهنا جه دور الـ Science Communication انه حلقة الوصل بين العلماء و عامة الناس يفهمهم هما بيعملوا ايه وايه فايدته وتاثيره علينا
البحث العلمي ما هو الا خطوات بتعملها مبنية ع حقائق عشان تطور من المعرفة وتبني طوبة في جدار العلم العظيم واللي بسببها ممكن يتفتح باب لإكتشافات و إختراعات عظيمة قدام
هنتعلم مع بعض ازاي نجيب معلومات من مصادر موثوقة بما يسمي بالـ Pop Science و ازاي نجيب ورقة بحثية مجانا ونقراها وهنتعرف مع بعض علي شوية مصطلحات مهمة في البحث العلمي
وهنتعلم كمان عن الكتابة العلمية ونكتب ايه فكل فقرة فالورقة البحثية وازاي نحل المشاكل اللي بتواجهنا اثناء قراءة وكتابة الابحاث
مش بس كدة، كمان هتعرف تنشر بحثك فين لما تخلص وازاي تحصل علي تمويل لفكرتك او اختراعك وازاي تقنع بيه الممول ويعني ايه سرقة علمية و ازاي تتجبنها و تحافظ علي فكرتك منها
طب ايه المهارات المطلوبة للمجال و ازاي اكتسبها و اطور نفسي فيها؟
و احنا اصلا ليه تاعبين نفسنا فالبحث العلمي؟
وايه الخطوة الجاية اللي المفروض اعملها؟
كل دا هنتكلم عنه فالكورس بتاعنا ان شاء الله بشكل مبسط تتعرف بيه عالمجال بدون تعقيد و دخول فتفاصيل مملة، بس هنعرفك تكمل ازاي مش هنسيبك تايه طبعا بإذن الله
ودا طبعا هنتكلم عليه بطابع مرح و حقائق مضحكة في البحث العلمي، يعني مش هتزهق ولا تحس ان الموضوع تقيل علي قلبك ان شاء الله
جاهز يا عالِم المستقبل؟!
What You Will Learn!
- ازاي تبحث عن معلومات في مصادر موثوقة
- ازاي تحصل علي ورقة بحثية كاملة مجانا
- ازاي تقرا ورقة بحثية
- ازاي تكتب بحث علمي
- تنشر بحثك فين
- ازاي تحصل علي تمويل لفكرتك
- ايه المهارات المطلوبة للمجال ويعني ايه مهارة وازاي تكتسبها وتطورها عندك
Who Should Attend!
- الكورس دا لكل اللي حابب يتعلم ويستفيد بعلمه واللي عنده فكرة بحث او اختراع او حتي معندوش وحابب يعرف ازاي يجيب الفكرة