برنامج البائع المحترف – نجم النجوم - الجزء الثاني
كيف تبيع الخدمة و الحل باحترافية شديدة و تتفوق على جميع المنافسين
Description
تحب تتعلم اسرار 30 سنة في المبيعات و تتفوق في البيع و الإقناع؟
لو ما جربتش البيع قبل كده هعلمك ازاي تبيع و تبقى بياع شاطر . و لو انت بياع متوسط أو شاطر هعلمك ازاي تبقى نجم النجوم و تضاعف مبيعاتك و ارباحك في فترة قصيرة. و لو انت مدير أو صاحب شركة هعلمك ازاي تختار البياع اللي يشتغل في الشركة عندك و هتتعلم ازاي تبيع البيعات الضخمة كمان.
نجم النجوم بيعمل ارباح لشركته ممكن توصل ل 48 ضعف البياع العادي و بالتالي بيبقى مطلوب اكتر و مرتبه اعلى و عمولته اعلى بكتير. نجم النجوم هو اللي في يوم من الأيام بيبقى صاحب شركة و هو اللي بيستمتع بعمله و نجاحه و حياته. حاوريلك ازاي حسبت الحسبة دي في الكورس.
البياعين انواع فيه بياع عادي و بياع شاطر و فيه نجم النجوم. الفرق بين كل نوع من دول ضخم جدآ. انا هدفي من الكورس ده انك تبقى نجم النجوم. أنا حانقل لك أسرار 30 سنة خبرة في مبيعات الحلول و اللي خليتني انا شخصيآ نجم النجوم و حولت بياعين عاديين الي نجوم ساطعة.
هعرفك اساسيات البيع و تفاصيل دورة البيع، و ازاي تتغلب على خوفك من رفض العميل و ازاي تجهز للمقابلة مع العميل و ازاي تعرف اذا كان العميل ده مناسب و اللا لأ و ازاي تدير جلسة الحوار مع العميل، و تجذب انتباهه و ازاي تخليه هو اللي عايز يعمل الصفقة معاك. هعلمك كمان ازاي تجهز البريزنتيشن و العرض الفني المالي، و ازاي تتغلب على اعتراضات العميل، و ازاي تبلغه السعر بطريقة ما تخليهوش يعترض عليه. هعلمك كمان أسرار إغلاق الصفقات و اسرار نجاح التفاوض. هعلمك كمان الخدع اللي العميل بيعملها للحصول على افضل الشروط منك و ازاي بيخفض السعر بتاعك و ازاي تتغلب على الخدع دي كلها. هتتعلم في الكورس ده أسرار كتير تخليك نجم النجوم
لو تابعت الكورس ده من الأول للآخر و دربت نفسك على استخدام الأسرار اللي في الدورة يوم ورا يوم و صفقة ورا صفقة انت ممكن تبقى نجم النجوم في المبيعات.
What You Will Learn!
- البيع الإحترافي للحلول المتكاملة التي تجمع بين السلعة و الخدمة
- كيفية البحث عن عملاء جدد - ادارة الحوار مع العميل و فنون التواصل و الإقناع
- تحضير العروض التقديمية و العروض المالية و الفنية
- فنون التفاوض و اغلاق الصفقات
Who Should Attend!
- كل من يرغب في معرفة أساسيات المبيعات سواء كان موظف، بائع مبتدئ أو متوسط أو حتى محترف، مدير أو صاحب شركة أو رائد أعمال